MALAMPUSONG gitapos ang Scholars Cup, ang tinuig nga sportsfest tali sa mga city scholars, Mayo 27-28, diha sa University of Science and Technology of Southern Philippines (USTP) Gymnasium, ning siyudad.

 

Migulang ‘overall champion’ sa maong kompetisyon ang Cluster G Green Werewolves, 1st place ang Cluster F Yellow Falcons samtang 2nd runner-up ang Cluster E Blue Ravens.

 

Lakip sa mga dula sa ang Cheerdance competition, E-games sama sa Call of Duty ug Mobile Legends; Larong Pinoy, Ball games sama sa volleyball ug basketball; Mind games sama sa chess, scrabble, trivia ug spelling bee.

 

Gawas sa mga dula, gipahigayun usab ang pinakaunang pageant tali sa mga city scholars kon Mr. and Ms. Scholars Cup.

 

Samtang, gihatagan usab og atensyon ang mga talento sa mga city scholars diin gipahigayun ang talent expo.

 

Ang Scholars Cup’ inisyatiba sa City Education and Development Office ubos sa pagpangulo ni CEDO Department Manager Richel Petalcurin-Dahay kansang tumong ang mabaid ang character sa matag city scholar ning siyudad pinaagi sa sports.

 

Nasayrang kini na ang ikatulong tuig sa Scholars’ Cup diin gisalmotan sa pito ka cluster nga gilangkoban sa mga city scholars gikan sa nagkadaiyang tunghaan ug barangay.

 

Kini hugot nga gisuportahan ni Mayor Klarex Uy, Committee on Education Chairperson City Councilor Moreno “Jing” Daba IV, ug Sangguniang Kabataan Federation President Kenneth John Sacala kinsa mao usab ang chairperson sa Committee on Sports and Youth Development lakip mga ginikanan sa city scholars. (Text by Nica Borja/ photos by Reynan Baylin and Johnel Neri/CIO)