'Matinud-anong pagserbisyo' ang sentro sa mensahe ni Mayor Rolando 'Klarex' Uy atol sa gipahigayon nga 'Kuyog Ta sa Serbisyo sa Baryo' (KSB) sa Barangay Puntod adlaw'ng Sabado, Mayo 30, ning tuig,

Kini na ang ikatulong hugna sa KSB sa maong barangay, apan padayon gihapon ang paghatag sa sama nga kalidad sa serbisyo alang sa mga residente.

 

Mokabat sa 1,924 ka mga residente sa Brgy. Puntod ang malipayon nga nakadawat sa mga batakang serbisyo nga gidala sa tibuok burukrasya sa City Hall aron mapaduol ngadto sa katawhan.

 

Lakip sa mga serbisyong gitanyag ang libre nga eye check-up, libreng tambal, libreng alot, hilot, ug ibot-ngipon, ug daghan pa sa nagkadaiyang serbisyo nga gidala sa KSB.

 

Aduna usab 366 ka mga benepisyaryo gikan sa Barangay Puntod nga nakadawat sa ilang Member Data Record (MDR), nga giturn-over sa City Health Insurance Office, City Health Office, ug PhilHealth Region 10.

 

Miturunol usab ang Agricultural and Productivity Operations Office (APOO) og multiple hook and line ngadto sa 51 ka mga mananagat sa maong barangay.

 

Usa sa mga highlight nga programa sa KSB mao ang 'Kasalan ng Bayan,' diin 43 ka mga magtiayon ang personal nga gikasal ni Mayor Klarex. Miuli ang mga bag-ong kasal nga adunay dalang mga regalo gikan sa Pamilya Uy, sama sa usa ka lechon, cake, wine, ug bugas isip pahalipay ug regalo kanila. (MDS/CIO/Photos by: Jhoanne Abejo/CIO and Harry Tibon/CMO)