MAGPAHIGAYON og capacity-building trainings ang City Management Information Systems and Innovation Department (CMISID) sa mga empleyado sa city hall isip kabahin sa pagsaulog sa National ICT Month karong bulan sa Hunyo.

 

Uban sa temang “Kauban ta sa Digital: Kuyog sa Luwas ug Maalamong Serbisyo Publiko,” tumong sa maong mga trainings nga mapalambo ang kahibalo, kahanas, ug digital capabilities sa mga empleyado sa City Hall. Ang inisyatiba nahiuyon usab sa RISE Agenda ni Mayor Rolando 'Klarex' Uy.

 

Eksklusibo usab sa mga city hall employees ang mga trainings nga pagahimoon matag Miyerkules o Huwebes sugod sa sunod semana hangtod sa tibuok bulan sa Hunyo.

 

Ang tanang training through online isip pagsuporta sa energy and resource conservation protocol. Lakip sa mga hisgutanan sa trainings mao ang Cybersecurity Awareness, Data Privacy Awareness, Artificial Intelligence og paggamit sa mga creative web applications sama sa Photopea og Canva nga mapuslanon sa inadlaw-adlaw nga buluhaton sa opisina. (DYM/CIO/Poster by CMISID)