GIPAGULA na sa City Scholarships Office ang resulta sa 1,527 ka mga city scholars alang sa school year 2025-2026 diin 936 niini ang nahisakop sa academic based samtang 591 ang nahisakop sa non-academic.

 

Ang pagpili sa mga aplikante gibasi sa gisumiteng mga dokumento sama sa grado, family income, leadership ug awards, ug interview, lakip na ang qualifying exam.

 

Gani, gi-abisohan ang nakapasar nga mosalmot sa orientation ugma’ng adlawa, Hunyo 2, ala 1:00 sa hapon diha sa Capitol University Gymnasium aron makuha ang Certificate of Scholarship Grant nga gamiton sa enrollment.

 

Gikinahanglan nga makatambong gayud asa orientationron dili ma-forfeit ang slot ug mahatag sa next in rank applicants.

 

Aron masayud sa listahan sa priority courses, mamahimong mobisita ani nga link: https://bit.ly/ListofPriorityCourses

 

Alang sa dugang pangutana, mamahimong mo-contact sa office number sa City Education and Development Office (Monday to Thursday 8AM-5PM): sa numerong, 0929-819-0819.

 

Nasayrang ang scholarship program usa sa mga hugot nga mapaningkamotan ni Mayor Klarex Uy nga mahatagan og katumanan ang mga damgo sa kabatan-onan nga makatapos sap ag-eskwela.

 

Gani sukad sa iyang paglingkod sa unang termino, mikabat na sa 15,000 ang city scholars ug nadugangan sa medical school scholarship, law school scholarship ug vocational courses. (NLB/CIO)