GIHAN-AY sa kagamhanang lokal sa Cagayan de Oro ubos sa administrasyon ni Mayor Rolando 'Klarex' Uy, pinaagi sa City Tourism and Cultural Affairs Office ug City Administrator's Office ang nagkadaiyang mga kalihokan sa tibuok bulan sa Hunyo alayon sa kasaulogan sa ika-76 nga sumad sa Charter Day sa Cagayan de Oro karong Hunyo 15, 2026.

 

Lakip sa mga nakahan-ay nga 'Himugso' activities mao ang mosunod: June 9-10, Heritage Walking Tour; June 12, Independence Day commemoration; June 14, Inter-High School Drum & Lyre Competition; June 15, City Charter Day & State of the City Address (SOCA); ug June 17, 2nd Kinaadman sa Kasaysayan nga naglangkob sa quiz bowl, poster making ug oratorical competition.

 

Ang 76th HIMUGSO nagdala sa tema, "Gasa sa Kagahapon, Garbo sa Karon, Giya sa Kaugmaon". (AGP/CIO)