GITIPOK sa City Education and Development Office (CEDO) ang bag-ong nadugang nga city scholars sa School Year 2026-2027 atol sa new scholars’ assembly, adlaw’ng Martes, Hunyo 2, diha sa Capitol University Gymnasium, ning siyudad.

 

Atol sa kalihokan, gipasabot sa matag city scholar ang bili sa pagpili sa saktong kurso, ang mga benepisyo nga madawat sa usa ka city scholar, ug ang requirements nga aboton ilawom sa city scholarship program.

 

Gawas sa newly accepted scholars, mitambong sa kalihokan sila si Chairperson sa Committee on Education City Councilor Moreno ‘Jing’ Daba IV, City Administrator Atty. Roy Hilario Raagas ug City Education and Development Office (CEDO) pinangunahan ni CEDO Department Manager Richel Petalcurin-Dahay.

 

Nasayran nga ang nadawat nga city scholars makadawat og mga benepisyo sama sa full tuition, matriculation, quarterly allowance ug libreng formation programs.

 

Kasamtangan, anaa na sa kapin 15,000 ang city scholars ug nadugangan sa medical school scholarship, law school scholarship ug vocational courses ang gitanyag sa siyudad ubos sa administrasyon ni Mayor Klarex Uy. (NLB/CIO/photos by Iren Fuentes/CIO)