PERSONAL nga gipangulohan ni Mayor Rolando ‘Klarex’ Uy ang mabulukong pagbukas sa El Pueblo A Sus Heroes Park nga nahimutang sa Divisoria ning syudad, adlaw’ng Martes, Hunyo 2.

 

Ang maong proyekto adunay dry deck fountain nga adunay mga nozzle ug suga sa ilawom sa salog, uban sa laser lights nga makadugang sa katahom sa parke ilabina sa kagabhion. Aduna usab kini mga benches alang sa mga bisita ug gustong molingkod ug maglaag.

 

Ang parke usa ka PWD-friendly nga proyekto tungod kay adunay mga ramp alang sa mga naggamit og wheelchair. Aduna usab kini mga comfort rooms nga fully air-conditioned.

 

Samtang, matod ni Project Lunhaw head Patrick Gabutina kini na ang katapusang proyekto ilawom sa programa tungod kay 100 porsyento na kining nahuman.

 

Usa kini sa mga inisyatiba ni Mayor Klarex aron mas mapanindot ug mas mapaayo ang mga parke sa syudad, ug aron mahimong luwas ug komportable nga malaagan sa mga lumulupyo uban sa ilang pamilya ug mga higala.

 

Gani man, iyang gi-deklarar nga iya nang ibalik ang night cafe alang sa mas bibo na laaganan sa syudad. (MDS/CIO/Photos by: Jhoanne Abejo/CIO)