UBAY-UBAY nga mga livestock ug poultry raisers sa Barangays Lumbia, Indahag ug Balulang ang mitambong sa information, education and communication (IEC) campaign nga gihimo sa City Veterinary Office diha sa ilang tagsa-tagsa ka barangay bag-ohay lang.

 

Ang maong IEC kalabot sa Foot-and-Mouth Disease (FMD), African Swine Fever (ASF), ug Avian Influenza diin gihatagan og bililhong kasayuran mahitungod sa disease prevention, biosecurity measures, ug early detection of animal diseases nga maghatag og dakong epekto sa livestock production ug panginabuhi sa komunidad.

 

Gipadayag ni City Veterinarian Dr. Helen Ann Tacandong nga pinaagi sa pag-edukar ug kahibalo, padayon usab nga mahatagan og gahum ang mga mag-uuma ug animal raisers sa gikinahanglan nga kaalam aron mapanalipdan ang ilang mga kahayopan ug makapalig-on sa local agriculture sector.

 

Alayon niini, gipasalamatan sa mga kadagkuan sa City Vet si Mayor Rolando `Klarex’ Uy sa hugot nga pagsuporta sa mga kalihokan ug programa sa ilang buhatan. Gipasalamatan usab niini ang mga opisyales sa maong mga barangay, mga misalmot, ug mga partners sa malampuson nga pagpahigayon sa nasangpit nga kalihokan. (ALR/CIO/Photos from City Vet)