GIDALA ni Mayor Klarex Uy ang pinakaulahing People’s Day ning bulan sa Hunyo sa Brgy Pigsag-an, adlaw’ng Lunes, Hunyo 22 ning tuig.

 

Lakip sa batakang serbisyo nga gitanyag sa People’s Day ang medical assistance, libreng tambal, wheelchair ug pagtubag sa inquiry kabahin sa scholarship, job application, late birth registration, renewal of business permit ug uban pa.

 

Anaa usab libreng lollipop ang mga gagmay’ng kabataan ug lima ka kilo nga bugas diin personal nga donasyon kini sa pamilya ni Mayor Klarex Uy.

 

Ang People’s Day nagtinguha nga masiguro nga ang tanang Kagay-anon makabenepisyo sa mga serbisyo sa gobyerno ilabina kadto sa mga molupyo sa mga barangay nga anaa sa kabukiran. (NLB/CIO/photos by Jhoanne Abejo/CIO)