DUGANG mga mag-uuma ning syudad ang nakabenepisyo sa Animal Dispersal Program sa syudad sa administrasyon ni Mayor Rolando `klarex’ Uy pinaagi usab sa Animal Dispersal and Livelihood Section sa Livestock Division sa City Veterinary Office.

 

Isip kabahin sa programa, mokabat pito ka mga kahayopan ang gi-dispersed ngadto sa pinili nga mga benepisyaryo sa Barangays Gusa ug Indahag nga naglangkob sa usa ka baka, 1 ka baktin ug 5 ka manok.

 

Gipasabot ni City Veterinarian Dr. Helen Ann Tacandong, dep’t manager sa City Vet Office nga tumong sa maong programa nga mas mapalig-on ang livestock ug poultry production ingon man dugang livelihood opportunities sa komunidad sa panguma.

 

Pinaagi niini nga inisyatibo, nagpabiling lig-on ang City Veterinary Office – Livestock Production Division sa ilang commitment sa pagsuporta sa mga lokal nga mag-uuma, pagpasiugda sa malungtarong mga pamaagi sa pagpanguma, ug pag-contribute sa pagpalambo sa mas lig-on ug mas malahutayon nga sector sa kahayupan ug sa manok. (ALR/CIO/Photos from City Vet Office)