KAPIN 100 ka mga miyembro sa Sustainable Livelihood Program Association (SLPA) ning siyudad ang mipailawum sa seminar kalabot sa Financial and Organizational Management ug Business Compliance Program and Free MSME Tax Clinic, adlaw’ng Huwebes, Hulyo 16.

 

Lakip sa mga gihisgutan ang Entrepreneurial Mind setting and Values Formation, Financial Literacy, Entrepreneurial Accounting, Saving Misconceptions and Best Practices, Leadership Management, rason nganong gikinahanglan magrehistro sa negosyo, unsaon pag-comply sa Business Registration, mga benepisyo sa pagrehistro sa negosyo ug uban pa.

 

Misalmot sa kalihokan sila si City Councilor Gigi Go, CSWD Assistant Department Head Atty. Threjann Ace Noli ug CSWD Social Welfare and Community Development Unit Head Joan Acraman.

 

Nasayrang ang mga SLPA gipundohan sa Department of Social Welfare and Development Region X ug gi-organisar sa City Social Welfare and Development Department ug mga nagkadaiyang non-government organizations.

 

Ang maong kalihokan inisyatiba sa City Social Welfare and Development Department-Livelihood Section pinangulohan ni CSWD Livelihood Section Focal Person Jelibeth Torres ug Oro-Trade and Investment Promotions Center pinangulohan ni Oro-TIPC Head John Asuncion.

 

Tumong sa maong seminar ang ma-giyahan ang mga SLPA sa pag-baton sa insakto ug malahutayon na negosyo. (NLB/CIO/photos by Iren Fuentes and photos courtesy of Office of City Councilor Gigi Go)