GIBUKSAN sa lokal nga kagamhanan pinaagi sa City Social Welfare and Development – Persons with Disabilities Section ug Persons with Disabilities Affairs Office ang kasaulogan sa 48th Disability Week adlaw’ng Biyernes, Hulyo 17.

 

Gisugdan ang kick-off ceremony pinaagi sa santos nga misa nga gipahigayun sa St. Augustine Metropolitan Cathedral ug gisundan sa parada gikan sa Gaston Park padulong sa City Hall.

 

Anaa usab hamubong programa nga gipahigayun sa City Tourism Hall nga gilangkoban sa nagkadaiyang mensahe gikan sa representante sa PWD sector, dance contest, raffle draw, food bazaar ug pag apod-apod sa 50 ka narra seedings gikan sa City Local Environment and Natural Resources Office.

 

Migulang kampyon sa dance contest ang District 1B, 2nd place ang District 2C ug 3rd place District 2B.

 

Mokabat sa kapin 400 ka mga miyembro sa PWD organizations gikan sa nagkadaiyang organization ang misalmot sa kick-off ceremony.

 

Samtang ipahigayun usab ang PWD Humba cooking contest sa Hulyo 18 sa Barangay 40, social pension payout alang sa mga Identified PWD karong Hulyo 22 sa Barangay 40, People’s Day ug medical mission exclusive for PWDs karong Hulyo 22 sa City Hall Quadrangle ug National Disability Rights Week culmination karong Hulyo 23 diha sa City Hall Quadrangle.

 

Ang National Disability Rights Week gisaulog sugod Hulyo 17 hangtud Hulyo 23 matag tuig alayon sa Presidential Proclamation No. 597, s. 2024.

 

Ang tema sa National Disability Rights Week ning tuig mao ang “Rights First, Legislation Forward - Strategic Action for Equal Participation and Inclusive Development.”

 

Ang pag-atiman sa PWD sector nagpadayung prayoridad sa administrasyon ni Mayor Klarex Uy. (NLB/CIO/photos by Kim Zaldivar, Iren Fuentes and Nica Borja/CIO and photos courtesy of PWD)