MIPAILAWOM sa re-orientation kalabot sa Violence Against Women and Children (BVAWC) desk handbooks ang mga Barangay VAWC Desk Officers adlaw’ng Biyernes, Hulyo 17.

 

Mismo si Department of Local Government (DILG) - CDO City Director Ellaine Josephine Depaur mao’y mihatag sa orientation kanila.

 

Gisundan usab kini sa election tali sa Barangay Violence against Women against Children (BVAWC) Desk Officers diin si Virginia Enriquez ang VAWC Desk Officer sa Barangay Carmen ang midaug isip presidente.

 

Ang maong inisyatiba gipangulohan sa City Inter-Agency Committee Against Trafficking, and Violence Against Women and their Children (CIACAT-VAWC), City Social Welfare and Development Department ug Office of City Councilor Des Dahino.

 

Tinguha niini ang mahatagan sa kahibalo ang mga Barangay Violence against Women against Children (VAWC) Desk Workers sa ilang mga responsibilidad ug functions. (NLB/CIO/photos courtesy of CIACAT-VAWC)