MALIPAYONG gipaambit ni Mayor Klarex Uy, kauban ang tibuok burukrasya sa city hall, ang Kuyug Ta sa Serbisyo sa Baryo (KSB) sa Brgy Balulang adlaw’ng Sabado, Hulyo 18.

 

Kini mao na ang ikatulong hugna sa KSB sa maong barangay diin gidawat kini sa konseho sa Brgy Balulang pinangulohan ni Edwin Micabani, Sangguniang Kabataan sa Brgy Balulang ug mga magtutudlo sa Balulang Elementary ug National High School. Dili mumenos sa 4,677 ang naalagaran atol sa gipahigayon nga KSB.

 

Gitunol usab sa Agricultural Productivity Operations Office (APOO) ang 105 Tilapia fingerlings sa Balulang National High School.

 

Mokabat 343 ka benepisyaryo ang nakadawat sa ilang PhilHealth MDR ug ID Cards.

 

Nagpahigayon usab o animal dispersal ang City Veterinary Office sa 5 ka mga benepisyaryo niini.

 

Sa pahayag ni City Mayor Rolando Klarex Uy, iyang gipaabot iyang pasalamat sa tanang opisina ug ahensiya sa ilang padayon nga pakigduyog ug suporta sa mga programa nga kini mapaabot sa katawhan. (LRM/CIO Photos by Jhoanne Abejo/CIO)