SUGDAN na ang implementasyon sa Gender and Development Program sa kamerkadohan human pormal nga gipaila kini isip “GAD at the Marketplace” sa Cogon Public Market adlaw’ng Huwebes, Hunyo 10 ning tuig

Ubos niini nga programa, makakat-on ang mga public market vendors ug stakeholders kalabot sa inclusive ug Gender-responsive programs.

 

Lakip sa mga public markets sa siyudad nga makasinati sa maong programa ang Cogon, Carmen, Puerto ug ang Bulua Farmers Market and Transportation Terminal (FMTT).

 

Mitambong sa launching ceremony sila si CEEBDA Department Manager Atty. Marianne G. Ragas, City GAD Focal Person Sol Mosqueda, City Councilor Gigi Go kinsa Chairperson sa Committee on Cooperatives, nagkadaiyang barangays diin duol sa merkado, ug uban pa.

 

Kahinumdoman nga milagda si Mayor Klarex Uy og Memorandum of Understanding uban sa OIC Incumbent Chairperson Raul M. Pregon ug OIC Chief Executive Officer Floriano R. Hilot niadtong Hunyo 10 alang sa pag-implementar sa maong programa. (NLB/CIO/photos courtesy of GAD and Office of City Councilor Gigi Go)