KANUNAY nga “inclusive” ang People’s Day mao kini ang gusto ipaabot ni Mayor Klarex Uy, atol sa gipahigayun nga People’s Day, adlaw’ng Lunes, Agosto 17, diha sa Barangay Balulang, ning siyudad.

Usa si Rohainah Azis Mama, 32 anyos, kinsa usa ka Muslim nga taga Carisna, Barangay Balulang ang nakabenepisyo sa People’s Day.

Ang Barangay Balulang usa sa mga barangay sa siyudad diin kadaghanan nagpuyo mga kaigsoonan nga Muslim.

Gani, siya mapasalamaton nga sila gihatagan gyud og bili ni Mayor Klarex Uy bisan pa man lahi ang ilang pagtuo ug ang mayor usa ka devoted Catholic.

Midawat si Rohainah sa cash assistance ug libreng 5-kilo nga bugas nga personal nga donasyon gikan ni Mayor Klarex Uy. Plano ni Rohainah nga gamiton ang maong cash assistance sa iyang gamay nga tindahan.

Alang kang Mayor Klarex Uy, ang iyang pagpangga sa katawhan wala nagbasi sa kultura ug relihiyon. Ang serbisyo sa gobyerno magpadayon ug moabot sa tanan, bisan unsa pa man ang ilang pagtuo. (NLB/CIO/photos by Iren Fuentes/CIO)