DILI lalim ang kaagi ni Nanay Epifania Carreon, 67 anyos kinsa nakabenepisyo sa People’s Day nga gipahigayun, adlaw’ng Lunes, Agosto 17, diha sa Barangay Balulang, ning siyudad.

 

Si Nanay Epifania kinsa taga Sitio Ramonal Village, Barangay Camaman-an, nga aduna’y hyperthyroidism nag-inusarang miadto sa Barangay Balulang alang sa pagkuha sa libreng wheelchair alang sa iyang bana na si Tatay Sarmito nga Nasopharyngeal (Nose) cancer survivor ug 11 na ka tuig nga nga nag-antos sa cardiovascular disease, ug nabuta na ang duha ka mata gumikan sa Glaucoma tungod sa stroke nga gihambin sa wala pa kini nagsakit og cardiovascular disease.

 

Gawas nga Person with Disabilities (PWD) ang bana ni Nanay Epifania, siya aduna’y tulo ka anak, kinsa mga minyo ug nagtrabaho na ang mga anak ug iyang kamaguwangan nga anak, Persons with Disabilities (PWD) nga duol 20 na ka tuig naghambin og heart disease inubanan sa Implantable cardioverter-defibrillator (ICD) maong nag-inusara kini pag-adto sa People’s Day.

 

Gani, dako iyang pasalamat ni Mayor Klarex Uy ug sa LGU-CDO ingon man daghan na kini og natabang sa ilang pamilya gawas sa libreng wheelchair, pagrehistro sa PWD ID sa iyang anak pinaagi sa City Social Welfare and Development Department-PWD Section, ug pagkadawat sa city scholarship program sa iyang apo nga anak sa PWD kinsa nagtungha na karon sa University of Science and Technology of Southern Philippines (USTP) isip first year college sa kursong Bachelor of Science in Information Technology.

 

“Nagpasalamat ko ni Mayor Klarex Uy nga natabangan mi sa tanan sa wheelchair, sa akong anak nga PWD ug akong apo nga city scholar,” saysay ni Nanay Epifania.

 

Si Nanay Epifania usa lamang sa beneficiaries sa daghan nga assistance sa People’s Day program ni Mayor Klarex Uy.

 

Gawas sa wheelchair, siya usab midawat sa libreng 5-kilo nga bugas gikan mismo ni Mayor Klarex Uy, usa ka pamatuod nga ang People’s Day wala lamang nagtanyag sa medical assistance apan kini nagtanyag sa nagkadaiyang serbisyo sa mga buhatan sa city hall gikan sa health, education, employment padulong sa food security. (NLB/CIO/photo by Iren Fuentes/CIO)