SA tinguha nga mapalig-on ang pagpasiugda alang sa luwas, himsog ug drug-free workplace, nagpadayon ang City Anti-Drug Abuse Council (CADAC) pinaagi sa City Anti-Drug Abuse Division – Oro Wellness Center sa pagpahigayon og mandatory drug testing sa mga empliyado sa city hall, Agosto 25, 2026.

 

Inabagan sa Philippine Drug Enforcement Agency (PDEA-10) dul-an 200 ka mga personahi sa City Health Insurance Office (CHIO), ug City General Services Office (CGSO) ang mipailawom sa mandatory drug testing.

 

Ang mga personahi sa PDEA-10, ug CADAD- Oro Wellness Center sa pagpangulo ni Acting Division Head Evangeline Isidro uban sa Overseer nga si Sunny Rae Cahayag mipasabot ngadto sa mga empliyado kalabot sa tumong ug katuyoan sa maong drug testing.

 

Sila gipasabot sa posible nga mahitabo kung adunay makita nga positibo sa paggamit sa gidiling druga ilabina sa mga job orders, casuals ug contractual nga mga empliyado ug kon unsa ang angay nila nga buhaton. (ALR/CIO/Photos by Reynan Baylin/CIO)