GIPAHIGAYON sa syudad ang labing unang People’s Day exclusive alang sa mga Solo parents, adlaw’ng Miyerkules, Septiyembre 2, diha sa City Tourism Hall, ning siyudad.

 

Lakip sa mga nadawatan sa mga solo parents ang medical assistance, libreng check-up, tambal, lima ka kilo nga bugas, wheelchair ug pagtubag sa inquiry kabahin sa scholarship, job application, late birth registration, renewal of business permit ug uban pa.

 

Nasayran nga bisan pa man og una nang nakasinati og subaw si Mayor Klarex, apan naningkamot kini nga maulian gilayon tungod kay importante kaniya labaw sa tanan ang pagserbisyo sa katawhan ilabina sa mga solo parents sa pinakauna nga People’s Day nga gitanyag exclusive alang kanila. (NLB/CIO/photos by Jhoanne Abejo/CIO)