GIDALA sa ikaduhang higayun ang People’s Day sa Barangay Pagatpat, adlaw’ng Lunes, Septiyember 7, diha sa Pagatpat Elementary School diin 1,845 ang nakabenepisyo niini.

 

Nasayrang gidala na ang People’s Day sa Barangay Pagatpat niadtong Marso 17 ug usa sa rason nga gipahigayun kini pag-usab mao ang pag-abiabi ni Mayor Klarex Uy sa bag-ong Punong Barangay niini na si Jude Fuentes.

 

Lakip sa batakang serbisyo nga natagamtaman sa mga molupyo sa Barangay Pagatpat ang medical assistance, libreng check-up, tambal, wheelchair, arroz caldo ug pagtubag sa inquiry kabahin sa scholarship, job application, late birth registration, renewal of business permit ug uban pa.

 

Anaa usab libreng lollipop ang mga gagmay’ng kabataan ug lima ka kilo nga bugas diin personal nga donasyon sa pamilya ni Mayor Klarex Uy.

 

Sa laing bahin, misalmot usab si City Councilors: Roger Abaday, Juancho “Antoy” Roa- Pascual, Al Legaspi Sr. ug George Christopher Goking.

 

Ang People’s Day sa Brgy Pagatpat ang pinakaunang barangay level People’s Day ning bulan sa Septiyembre.

 

Gani, sugod ning bulana, ikaduha na nga ipahigayun ang People’s Day sa barangay level matag Lunes ug Miyerkules ug dili na kini ipahigayun sa city hall (gawas na lamang kung special sama sa PWD ug Solo parents) aron malikayan ang pag-dasok sa tawo.

 

Gi-abisohan usab ang katawhan nga sundon lamang ang schedule sa inyong barangay aron masiguro nga luwas ang People’s Day.

 

Ang People’s Day personal nga pagbisita ni Mayor Klarex sa mga kabaranggayan agi’g pagpaabot sa mga serbisyo sa gobyerno ngadto sa katawhan. (NLB/CIO/photos by Jhoanne Abejo and Kim Zaldivar/CIO)