Mokabat 31 ka Unattended ug citation tickets ang na-isyu sa mga personahi sa Roads and Traffic Administration (RTA) atol sa ilang monitoring ug operasyon batok sa mga nakasupak sa parking ug uban pang traffic regulation adlaw’ng Lunes ug Martes Sept. 14-15, 2026.

 

Pito (7) usab ka sakyanan ang na-clamp ug laing duha (2) ka motorsiklo ang na-impound sa stationary personnel diha sa mga dalan Velez (Malayan), Cogon area, Suniel Barangay Carmen, Puerto, ug Divisoria.

 

Gipasabot ni RTA Acting Dep’t Head Benedicto “Doy” Ramiro nga matag adlaw nagpahigayon og monitoring ingon man operasyon ang mga personahi sa RTA sa nagkadaiyang kadalanan ning syudad.

 

Nasayran nga ang kalapasan sa traffic ug ubang traffic regulation ang nakapahuot sa dalan nga usa sa mga hinungdan sa traffic congestion.

 

Tumong usab niini nga madisiplina ang ubang mga motorista ilabina ang mga pribadong sakyanan nga mosunod sa Traffic Ordinance sa syudad. (ALR/CIO/Photos from RTA)