Wednesday, 30 March 2022 02:44

Tablon nahimong ‘Most Outstanding Brgy Mental Health Corner’

Written by
Nasakmit ni Charina O. Neri sa Barangay F.S. Catanico ang ‘Most Outstanding VAW Desk Officer of the Year’ samtang naangkon usab sa barangay F.S. Catanico ang ‘Most Innovative Mental Health Practices’ award, ug nahimong ‘Most Outstanding Barangay Mental Health Corner’ ang Barangay Tablon.
 
Ang pasidungog gihimo sa City Social Welfare and Development Psychosocial Division atol sa virtual Psychosocial VAW Desk Workers' Mental Health Education & Assessment Workshop bag-ohay lamang.
Tuyo sa workshop nga madugangan ang kahanas sa mga VAW Desk Officers diha sa pagdumala sa Mental Health Corner sa ilang tagsa-tagsa ka barangay.
 
 
Kahinumduman nga gilusad sa CSWD Psychosocial Division ubos ni City Psychologist Jaymee Leonen-Pagaspas sa miaging tuig ang 'Mental Health Corner Project' agi'g pagtubag sa nagkataas nga kaso sa mental health problem ug makab-ot ang tinguha nga mahimong 'Mental Health Friendly' ang syudad.
 
May be an image of text that says 'METAD HEAMO MOST INNOVATIVE MENTAL HEALTH PRACTICES 1st 2nd 3rd 4th BRGY. FS CATANICO BRGY. KAUSWAGAN BRGY. TABLON BRGY. BONBON BRGY. CAMAMAN-AN 5th Source: CSWD Psychosocial Division information Cagayan de Oro City Philippines'
 
Ang ubang mga mananaog sa ‘Most Outstanding Barangay Mental Health Corner’ mao ang Barangay F.S. Catanico, 2nd placer; ug Barangay Camaman-an, 3rd placer.
Midaug isip 2nd placer sa ’Most Innovative Mental Health Practices’ ang Barangay Kauswagan ug 3rd placer ang Barangay Tablon.
 
Nakuha usab ni Jenifer P. Sambaan sa Barangay Bonbon ang 2nd place ug Diane B. Abrilon sa Barangay Camaman-an ang 3rd place sa ‘Most Outstanding VAW Desk Officer of the Year’. (NLB/CIO)