Wednesday, 30 March 2022 02:47

Kapin 114K ka residente sa CdeO natupokan na sa booster shots

Written by
MOKABAT na sa 114,378 ka mga residente sa Cagayan de Oro ang natupokan sa COVID-19 booster shots.
 
Kini bisan pa man padayon ang pag-awhag sa syudad niadtong nag-edad 18 anyos pataas nga magpa-booster na tulo ka bulan human makompleto ang bakuna sa AstraZeneca, Pfizer, Moderna, Sinovac ug Sputnik, ug duha ka bulan human matupokan sa single-dose nga bakunang Janssen.
 
Ang tanang gigamit nga bakuna sa syudad adunay emergency use authorization gikan sa Food and Drug Administration, ug busa luwas kini ug epektibo batok severe infection nga dala sa COVID-19.
Sigon sa data sa City Health Insurance Office, Marso 29, anaa na sa 96% ang malampusong natupokan sa first dose sa target nga 599,929 ka mga tawo. (AGP/CIO)