GIPAHIBALO sa Cagayan de Oro COVID-19 vaccination team sa publiko nga walay ipahigayon nga pagpamakuna karong Abril 15, ug kutob lang usab sa alas-2:00 sa hapon ang pagpamakuna sa Abril 14 isip pag-obserbar sa Mahal nga Adlaw.

Magpadayon ang pagpamakuna sa pediatric age ug adult population sa adlaw’ng Sabado, Abril 16, ning tuig.

 

Subling gipanawagan ang katawhan sa pagdalikyat mintras abri pa karon ang mga vaccination centers aron matupokan sa first dose, second dose ug booster shots alang sa 18 anyos nga nakahuman sa primary series sa bakuna 2-3 ka bulan ang milabay aron dugang proteksyon batok sa virus.

 

Kahinumduman bag-ohay lang gitugot ang pagdawat og walk-in alang sa mga 5-11 anyos nga magpabakuna, ug dili na kinahanglan maghulat sa text sa schedule.

Abri usab ang mga vaccination sites sa Cagayan de Oro alang sa mga non-CDO residents nga gustong magpabakuna. (AGP/CIO)