Friday, 08 April 2022 07:24

4Ps beneficiaries sa 4 ka brgy gibansay sa Ayala Foundation

Written by
SINGKWENTA (50) ka Pantawid Pamilyang Pilipino Program (4Ps) beneficiaries gikan sa barangay Gusa, Cugman, Agusan ug Camaman-an ang gibansay atol sa pagpalapad sa KALIPI/ERPAT/UCHG Livelihood Project sa Ayala Foundation Inc., Abril 6-8, ning siyudad.
Sila gibansay kalabot sa Technical Gardening; Waste Segregation; Basic Nutrition, lakip ang Cost to Produce; Basic Accounting; Financial Literacy ug pre-membership education seminar sa OIC.
 
Nahimong resource speakers sila si Agricultural Productivity Operations Office representatives Archie Alamban, Louie Cris Lopos ug Jhon Ketz Gayla; City Local Environment and Natural Resources Office representative Pria Tacandong; Nutritionitist Dietitican II April Monsanto gikan sa City Nutrition Committee ug OIC Yacapin branch representatives nga gipangulohan ni OIC Business Development Officer Kilian Deveza.
 
Gawas sa training, matag usa kanila midawat usab sa libreng garden kit.
 
May be an image of 10 people, people sitting and people standing
 
Mitambong sa kalihokan sila si Ayala Foundation Inc. Senior Operations Manager Garrett Nolasco ug Punong Barangay Marlou Tabac sa barangay Gusa.
 
Ang maong proyekto giabagan sa City Social Welfare and Development-Livelihood Section ug gipaluyohan sa CSWD 4Ps Section, Oro Integrated Cooperative, ug gipundohan sa Ayala Foundation Inc.
Kini hugot nga gisuportahan nila ni CSWD Executive Overseer Michael Christopher Fabello ug CSWD Community and Social Development Division Head Joan Mae Acraman.
 
May be an image of 7 people, people sitting and people standing
 
Gilauman nga pagkahuman sa 1st cycle sa ilang pagpananum, ang matag usa ka 4Ps beneficiary modawat og seed capital nga balor og P2,000 gikan sa Ayala Foundation Inc. nga idiretso og sulod sa ilang Oro Integrated Cooperative account.
Tinguha sa proyekto nga madasig ang mga beneficiaries sa pagbaton og healthy lifestyle; motabang sa pagprotehir sa kinaiyahan ug ilabina ang importansya sa pagtigum sa ilang OIC account.
 
Kahinumduman nga susamang mga barangay ang gibansay ug midawat sa capital assistance nga balor og P2,000 gikan sa Ayala Foundation, Inc niadtong tuig 2020, diin 60 ka Urban Container Household Gardening-KALIPI-Livelihood beneficiaries ang napili. (NLB/CIO/Photos by Reynan Baylin/CIO and CSWD)