NAGMALAMPUSON ang unang adlaw sa ‘Career Expo 2022’ nga gipahigayon sa Job Placement Bureau - Public Employment Service Office (JPB-PESO) ug City Scholarships Office niadtong Abril 21 diha sa Centrio Ayala Mall.

 

Atol sa 'Iskolar sa Dakbayan Career Expo 2022’, kapin 50 ka mga kompanya ang mitanyag og bakanteng trabaho alang sa mga residente sa Dakbayan, ilabina ang mga graduating city scholars.

 

Gikalipay sa mga indibidwal nga misalmot sa kalihukan tungod kay nahatagan sila og kasayon sa pagpangita og trabaho sama sa customer support, IT, hotel and restaurant, skilled labor ug uban pang klase sa trabaho.

 

Lakip usab sa miabag sa kalampusan sa maong kalihukan ang mga kadagkuan sa Department of Labor and Employment 10 (DOLE-10) ug Junior Chamber International (JCI) Kagayhaan Gold. (SPP)