MITALA og pagsaka sa kaso sa dengue ang City Health Office (CHO) ning syudad sa pagsugod sa unang quarter ning tuig.
Sa taho ni City Epidemiologist Dr. Teodulfo Joselito Retuya Jr. adunay 362 o 79.20% nga pagsaka sa dengue cases ang natala sa 1st quarter sa 2022, komparar sa 202 cases lamang sa susamang bulan sa 2021. Basi sa maong taho, nag-edad sa 0 hangtud 97 years old ang nagsakit sa dengue samtang 2 sa maong mga kaso ang nakabsan sa kinabuhi.
Nag-una ang Brgy Carmen sa adunay pinakataas nga kaso (53 cases) ug gisundan kini sa Brgy Lumbia (35), Balulang (31), Lapasan (29), Patag (24), Kauswagan 24), Camaman-an (21), Bulua (17), Canitoan (16), ug Bayabas (14).
Subay niini, hugot ang pahimangno sa City Health Office ilabina karong panahon sa ting-ulan nga batasanon ang kanunay nga pagpanghinlo sa palibot ilabina sa mga pundohanan og tubig ug mag-amping pinaagi sa paglikay sa paak sa lamok. (ACM/CIO)