Monday, 16 May 2022 08:19

72 ka brgy sa CdeO, COVID free na

Written by
ANAA na lamang sa walo gawas sa 80 ka barangay sa Cagayan de Oro ang adunay natala nga kaso sa COVID-19 basi sa taho sa Emergency Operations Center.
 
Sa datos gikan sa City Health Office (CHO), siyam ang active cases nga natala sa Mayo 15, diin duha niini gikan sa Brgy Carmen; tag isa gikan sa Brgy 2, Patag, Lumbia, Camaman-an, Tablon, Balulang ug Lapasan.
 
Tulo lamang sa maong mga kaso ang kasamtangang anaa sa nagkalain-laing hospital. Samtang zero case na usab ang Cagayan de Oro sulod sa milabay’ng duha ka adlaw (Mayo 14 & 15), ug 1 ang naulian na.
 
Sa kasamtangan, mokabat na sa 24,903 ang total recoveries ug 25,853 ang cumulative cases nga natala sukad sa pagsugod sa pandemya sa 2020. (ACM/CIO)