GISUGDAN na sa CDO COVID-19 vaccination team karong adlawa, Mayo 19 ang pagpamakuna sa ikaduhang booster dose alang sa 18 anyos pataas nga frontline healthcare workers ug mga senior citizens subay sa kamanduan sa Department of Health.

Kahinumduman una nang gilusad ang second booster doses alang lamang sa 18 anyos pataas nga ‘immunocompromised population’.

 

Sigon sa DOH, ginahatag ang second booster shots sa mga healthcare workers ug senior citizens upat ka bulan human makadawat sa first booster doses gamit ang bakuna nga Moderna ug Pfizer isip homologous o heterologous booster.

 

Karong adlawa, Mayo 19, abli ang SM Downtown, third floor car park alang sa drive thru vaccination sa second booster doses sa immunocompromised population, healthcare workers ug senior citizens.

Magdala lang sa valid ID ug vaccination card. (AGP)