GIKLARO ni Dr. William Bernardo, acting City Health Officer, nga mahimo nang makadawat sa second booster dose gamit ang bakunang Moderna ug Pfizer ang priority groups A1 ug A2 o healthcare workers ug senior citizens upat ka bulan human natupokan sa first booster dose sa COVID-19 vaccines.
Padayong nanawagan usab si Dr. Bernardo niadtong nag-edad 18 anyos pataas kinsa wala pa makadawat sa unang booster shot nga mahimong mag-walk-in sa mga vaccination sites.
Ang mga vaccination sites nga gidumala sa kagamhanang lokal sa Cagayan de Oro abli alang sa CDO & Non-CDO residents.
Magdala lang sa valid ID ug vaccination card sa mag-second dose o magpa-booster.
Samtang sa laing bahin, gilugwayan hangtod Mayo 27 ang katapusang adlaw sa first dose sa pediatric vaccination alang 5-11 anyos, ug kutob Hunyo 20 usab ang second dose. (AGP/CIO)