Thursday, 26 May 2022 08:55

Massage center sa Cogon Mkt, gibuksan na

Written by
MALIPAYON ang 34 ka deaf massage therapists kinsa TESDA NC II passers human gibuksan na sa publiko ang massage center karong adlawa, Mayo 26, diha sa 2nd floor, Block 7, Cogon Market, ning siyudad.
Usa sa nagpasalamat sa administrasyon ni Mayor Oscar Moreno mao si Cielo Luz R. Gape, molupyo sa barangay Carmen kinsa nahimong panginabuhian ang pagmasahe sulod na sa 10 ka tuig.
 
Atol sa turnover ceremony, midawat ang matag masahista sa libreng massage kit gikan sa CSWD. Mitanyag usab sa libreng demonstration ang mga personahe sa CSWD ug CEED.
 
May be an image of 7 people
 
Ang massage center bukas matag adlaw gikan alas-10:00 sa buntag hangtud alas-8:00 sa gabii. Kini modawat og walk-in clients, lakip home service.
Ang presyo mao kini: P250 alang sa whole body massage, samtang P150 alang sa half body message ug P500 sa home service.
 
Alang sa buot magpa-home service, mahimong i-contact si sign language interpreter ug CSWD PWD Section Focal Person Cheryl Gacita sa numero 0936-1172775.
 
May be an image of 4 people, people sitting and people standing
 
 
Ang maong massage center nahimong posible pinaagi sa City Social Welfare and Development ubos ni CSWD Executive Overseer Michael Christopher Fabello; CSWD PWD Section ug hugot nga gisuportahan sa City Economic Enterprises Department ubos ni CEED
 
Department Head Marfe Dacoco kinsa naghatag sa espasyo alang sa maong massage center; Persons with Disabilities Affairs Office ubos ni PDAO Head Ma. Liza Corpuz; CSWD Community and Social Development Division Head Joan Acraman. (NLB/CIO/Photos by Rod Constantino/CIO).