Monday, 30 May 2022 06:01

CDO Hospital-Lumbia abrihan karong sunod bulan

Written by
BUKSAN na sunod bulan ang Cagayan de Oro City Hospital - Lumbia (Infirmary facility) lakip unveiling sa marker isip timaan nga sugdan na ang pagdawat sa mga pasyente ilabina sa mga molupyo sa kabukiran.
Kini ang gipahibalo sa pamunoan sa JR Borja General Hospital (JRBGH) bag-ohay lang.
 
Ang 25 bed-capacity nga Lumbia infirmary mahimong dangpanan sa mga adunay simpleng balatian ug emergencies nga dili na kinahanglang dalhon sa JRBGH o Northern Mindanao Medical Center (NMMC).
 
Tumong sa administration ni Mayor Oscar Moreno nga mas mapaduol ang serbisyong medical sa katwhan ug makunhoran ang bagang duot sa mga pasyente nga modangop sa JRBGH.
 
Ang Cagayan de Oro Hospital-Lumbia (Infirmary) lakip sa duka ka mga bag-ong balay tambalanan nga gitukod ubos sa Moreno administration diin ang usa niini anaa gitukod sa Brgy Tablon. (ACM/Photos by JOMAR FIGURACION/CIO)