ANDAM na ang Baikingon National High School alang sa umaabot face-to-face classes sanglit subhan na ang bag-ong eskwelahan sa sekondarya ugma’ng adlawa, Hunyo 3, 2022 sa pagpangulo ni Mayor Oscar Moreno.

 

Ang 3 storey, 12 classroom Baikingon National High School natukod ubos sa administrasyon ni Mayor Moreno pinaagi sa Local School Board (LSB) ug sa pag-abag sa mayoriya sa konseho pinangulohan ni Vice Mayor Kikang Uy.

 

 

Ang maong katukoran maghatag og dakong kasayon sa mga estudyante nga sa taas na nga katuigan nag-antus nga magbaklay og pipila ka kilometro aron lamang makaeskwela sa kasikbit nga tunghaan sa Canitoan ug Iponan.

 

 

Subay niini, mapasalamaton ang Department of Education-Division of Cagayan de Oro ubos ni Shools Division Supt Cherry Mae Limbaco kang Mayor Moreno sa paghatag og prayoridad sa edukasyon.

 

Lakip sa mosaksi sa turn-over ug blessing si Mayor Moreno, mga kadagkoan sa DepEd, sakop sa Local School Board, barangay officials ug mga kawani sa City Hall. (ACM/Photos by JOMAR FIGURACION/CIO)