GITUNOL sa City Social Welfare and Development ngadto sa mga biktima sa sunog sa Barangay Lapasan ang tag-10 ka kilo nga bugas, assorted canned goods, kaldero, dining kit, mineral water, used clothing, mga habol, moskitero ug uban pa niadtong Mayo 31.

 

Mokabat usab sa 748 hygiene kits ang giapod-apod sa buhatan sa Office of Civil Defense Region 10 pinangulohan ni Regional Director Antonio B. Sugarol, inabagan ni Officer in Charge Gilbert Conde ug City Disaster Risk Reduction and Management Department Head Nick Jabagat ngadto sa mga nasunogan.

 

Nagpahimutang usab ang syudad og community kitchen diha sa Lapaz 1 covered court, diin nakaandam ang 5 ka sakong bugas, 5 ka karton sa beef loaf, 5 ka karton sa corned beef, 5 usab ka karton sa sardinas ug 7 ka karton sa noodles.

Susamang mga kagamitan ang itunol sa syudad sa Brgy Puntod diin nakasinati usab og sunog dili pa lamang dugay.

 

Kahinumdoman nga natigayon ang dakong sunog sa Sitio San Isidro ug Sitio St. John niadtong Mayo 31, 2022, diin kapin sa 700 individuals ang apektado niini. (ACM-CIO/Photos CDRRMD)