MIKABAT sa 167 ka mga benepisyaryo gikan sa nagkalain-laing barangay sa dakbayan ang misalmot sa Government Internship Program (GIP) orientation nga gipahigayon niadtong Hunyo 1 diha sa Brgy. 40 covered court.

 

Gipangulohan sa Department of Labor and Employment Regional Office X ug DOLE CDO Field Office, inabagan sa Job Placement Bureau – PESO Cagayan de Oro ang GIP orientation aron masayran sa mga benepisyaryo ang mga detalye sa programa.

 

Ubos sa Government Internship Program, mahatagan og oportunidad ang mga college graduates/undergraduates nga mopailawom sa usa ka internship program hilabina niadtong buot magtrabaho sa gobyerno o’ natad sa labor and employment.

 

Lakip sa orientation ang pagpirmahay sa kasabotan tali sa mga interns kinsa magtrabaho sulod sa unom (6) ka bulan diha sa nagkadaiyang buhatan sa gobyerno. (SPP)