Tuesday, 07 June 2022 02:56

Curfew hours sa CdeO, giwagtang na

Written by
SUGOD kagahapong adlawa, Hunyo 6, giwagtang na ang curfew hours sa dakbayan sa Cagayan de Oro human gipirmahan ni Mayor Oscar Moreno ang Executive Order No. 104-2022.
=
Kahinumduman nga ang curfew hours sugod alas 11:00 sa gabii hangtod 4:00 sa buntag maoy usa sa mga Covid-19 response measures nga gipatuman sa syudad sobra duha ka tuig na ang milabay.
 
Ang padayon nga pagkunhod sa kaso sa Covid-19 sa dakbayan, ‘low risk’ nga estado basi sa health data ug kapin duha ka bulan nga Alert Level 1 status sa dakbayan maoy rason sa pagwagtang sa curfew hours.
 
Taliwala sa pagluag sa maong gabayan, padayon gihapon nga ipatuman ang codified CDO Ordinance No. 4373-94 kon curfew hours alang sa mga menor de edad nga nag-edad 15 anyos paubos sugod alas 10:00 sa gabii hangtod alas 5:00 sa buntag. (SPP)
 
No photo description available.May be an image of text that says 'EFFECTIVITY. This Order shall take effect immediately. so ORDERED. ISSUED this day ofjune 2022, Cagayan de Oro City. OSCARA. MORENO City Mayor Attested by: TEODORO SABUGA-A,JR. Acting City Administrator'