GIHAN-AY na sa syudad ang mga kalihukan atol sa kasaulogan sa ‘Himugso 2022’ kon ang hiniusang pagsaulog sa 124th Philippine Independence Day ug 72nd Cagayan de Oro City Charter Day.

Ipahigayon sa Hunyo 12 ang Philippine Independence Day diha sa Plaza Divisoria sugod alas 6:00 sa buntag, samtang masaksihan usab ang Cagayan de Oro City Charter Day Celebration ug City Mayor’s Term Report sa Hunyo 15, alas 6:30 sa buntag diha sa Amphitheater.

 

 

Alayon sa maong kasaulogan, masaksihan ang Himugso Mall Exhibit sugod Hunyo 12 hangtod Hunyo 17 diha sa mga dagkong malls sa dakbayan, samtang duha ka live entertainment shows ang masaksihan karong Hunyo 12 ug Hunyo 15 diha sa Plaza Divisoria ug Amphitheater alayon sa Joint AFP/PNP Concert and Caravans ug ‘Parkalingaw’.

 

Sa Hunyo 13, ipahigayon usab ang Centennial Celebration sa Cagayan de Oro Water Tower diha sa may Gaston Park, lakip ang Guided Walking Tour sa Hunyo 14 hangtod Hunyo 17 diha sa mga historical sites sa dakbayan.

Kini ang unang higayon nga face-to-face masaksihan ang mga kalihukan sa ‘Himugso 2022’ apan gihangyo gihapon ang katawhan nga motuman sa minimum public health standards kung mosalmot sa mga kalihukan. (SPP)