MIPADAYAG sa ilang dakong pasalamat ang 16 ka Indigenous People communities ug 80 ka tribal leaders sa pamunoan ni Mayor Oscar Moreno, City Social Welfare and Development Officer Teddy Sabuga-a Jr. ug CSWD Executive Overseer Michael Christopher Fabello pinaagi sa usa ka pahinungod kon tribute, kagahapon, Hunyo 19, diha sa Phoenix Hall, Country Village Hotel, ning siyudad.

 

Atol sa kalihukan, nagpasalamat si City Social Welfare and Development Indigenous People Sector Focal Person Nena 'Bae Rose' Lumandong kang Mayor Moreno ug mga kadagkoan sa CSWD tungod sa paghatag niini og igong pagtagad sa katungod sa mga Lumad sa Cagayan de Oro human milingkod ang mayor niadtong tuig 2013.

 

 

Sulod sa tulo ka termino ni Mayor Moreno, ang mga IPs nakatagamtam sa tinuig nga educational assistance, livelihood assistance, suporta sa ilang mga kalihokan sama sa 'Bulan sa Tribu' ug mga tinuig nga ritwal. (NLB/CIO/Photos by Reynan Baylin/CIO)