World Health Organization
Department of Health 
Kini ang pamahayag ni Mayor Oscar Moreno agi’g reaksyon sa sugyot nga ipaubos sa enhanced community quarantine ang tibook Cagayan de Oro City human nagpositibo sa COVID-19 ang 71 anyos nga lalaki ug molupyo sa usa sa mga numbered barangays sa dakbayan.
“Let us not look at what the government can do for us, but rather focus on what we can do to defeat this virus,” pahayag sa mayor.
Sigun pa ni Mayor Moreno nga ang makapildi sa virus mao ang ‘behavior’ kon pamatasan sa mga tawo kung nagtuman ba sa mga pahimangno sa gobyerno.
“Ania ra sa tawo ang solusyon”, dugtong pa sa mayor, kinsa subling gihangyo ang katawhan nga sundon ang panawagan sa gobyerno nga ‘social distancing’, proper hygiene, cough etiquette ug uban pang preventive measures.
Samtang nagpasalamat si Mayor Moreno sa tanan nga mipaabot og hinabang sama sa pagkaon, face masks, gloves, ug uban pa alang sa mga ‘frontliners’ kon mga medical health personnel sa Northern Mindanao Medical Center ug JR Borja General Hospital.
“The outpouring of support is phenomenal”, panapos sa mayor.
(By Ian Fuentes / photo by Roel Felicitas)
