Monday, 08 August 2022 01:09

Pagpatuman sa ‘Project Lunhaw’ ipadayon sa Klarex admin

Written by
SUPORTADO ni Mayor Klarex Uy ang pagpatuman sa ‘Project Lunhaw’ isip usa ka ‘climate resiliency project’ sa dakbayan diha sa Plaza Divisoria ug mga barangay kilid sa suba gikan sa Duaw Park ngadto sa Isla de Oro.
Atol sa project presentation sa maong proyekto niadtong Agosto 4, gipasabot ni Acting City City Engineer Jenito Asequia, City Local Economic and Investment Promotions Officer Eileen San Juan, ug City Tourism Officer Chedilyn Aissa Dulguime ang mga benepisyo ug kaayohan nga makuha gikan sa ‘Project Lunhaw’ ug ang gikinahanglan buhaton alang sa kalampusan niini.
 
Mipasalig si Mayor Klarex nga mogahin og P180M isip inisyal nga budget sa maong proyekto ug magmugna usab ang lokal nga kagamhanan og Project Management Office (PMO) aron masiguro ang hapsay nga pagpatuman sa proyekto.
Alang sa paspas ug han-ay nga pagtukod sa proyekto, gilauman ni Mayor Klarex nga adunay pagtinabangay tali sa mga consultants, technical working group (TWG) ug mga sakop sa Project Management Office (PMO) alang sa usa ka ‘design-and-build scheme’, ug aron usab makakita ang syudad og dugang investors alang sa proyekto. (SPPalen/CIO | Photos by Aicy Soriano)