Sunday, 28 August 2022 17:24

Arianne Galenzoga gikoronahan isip Miss CDO Universe 2022

Written by
NAGMALAMPUSON ang pagbalik sa ‘face-to-face’ nga Miss Cagayan de Oro 2022 pageant coronation night sa Limketkai Atrium niadtong Agosto 27, bisperas sa kapistahan sa dakbayan.
Gikoronahan isip Miss Cagayan de Oro 2022 Universe si Arianne Galenzoga gikan sa Brgy. Consolacion, samtang nahimong Miss Cagayan de Oro 2022 - Pilipinas si April Barro sa Brgy. Canitoan.
 
May be an image of 6 people and people standing
 
Nagmadaugon si Cris Antonette Teaño isip 1st Runner Up gikan sa Brgy. Carmen; Blanche Nicole Villaruz, 2nd Runner Up gikan sa Brgy. Nazareth; Shasha Patricio, 3rd Runner Up gikan sa Brgy. Carmen; ug Luisa Merrey Bingtan, 4th Runner Up gikan sa Brgy. Iponan.
 
Nahimong opisyal nga representante sa dakbayan sa mga national pageants si Ariane Galenzoga alang sa Miss Universe Philippines, April Barro sa Binibining Pilipinas, ug Cris Antonette Teaño sa Mutya ng Pilipinas.
 
Nahimong malampuson ang maong kalihukan pinaagi sa pagpaningkamot sa Miss Cagayan de Oro Organization nga gipanguluhan ni Ms. Mags Cue ug Punong Barangay Gigi Go, inabagan sa lokal nga kagamhanan sa dakbayan sa Cagayan de Oro ubos ni Mayor Rolando ‘Klarex’ Uy.
 
Gilauman nga magpadayon na ang face-to-face nga pagpahigayon sa mga kalihokan sa dakbayan atol sa kasaulogan sa kapistahan sa mga mosunod pa nga mga tuig ubos sa administrasyon ni Mayor Klarex Uy. (SPPalen/CIO | Photos by Rhoel Condeza)