Thursday, 01 September 2022 01:22

Tignapoloan nakabenepisyo sa mga serbisyo sa JPB-PESO

Written by
GITANYAG sa Jobs Placement Bureau – Public Employment Services Office (JPB-PESO) ang ilang mga serbisyo kalabot sa pagpanarbaho atol sa “Klarex nga Serbisyo sa Baryo”
diha sa Barangay Tignapoloan bag-ohay lang.
 
Lakip niini ang ‘employment facilitation services’ diin ubay-ubay ka mga indibidwal ang gitabangan sa mga personahe sa PESO aron makapangita og trabaho.
 
Gipasabot usab sa maong buhatan ang mga benepisyo sa National Skills Registration Program nga gitanyag sa Department of Labor and Employment (DOLE) ug lokal nga kagamhanan diin adunay ‘PESO Employment Information System’ aron mas sayon ang pag-apud-apod sa trabaho kung adunay mga job offers.
 
Atol sa outreach program, gihatagan usab og katin-awan sa JPB-PESO ang mga hisgutanan sa Special Program for the Employment of Students (SPES), Tulong Panghanapbuhay sa Ating Disadvantaged/Displaced Workers (TUPAD), JobStart Philippines ug uban pang serbisyo nga gitanyag sa syudad.
 
Ang maong mga serbisyo sa PESO mapahimuslan sa taga-Barangay Balubal karong umaabot Septiyembre 8 atol sa ikaduhang hugna sa ‘Klarex nga Serbisyo sa Baryo’ ubos sa administrasyon ni Mayor Klarex Uy. (SPPalen/CIO)