World Health Organization
Department of Health 
MITALA og pag-ubos sa kaso sa COVID 19 ang Cagayan de Oro sulod sa pipila ka adlaw sa pagtapos sa bulan sa Agosto.
Basi sa datos sa City Health Office (CHO), anaa na lamang sa 97 active cases ang natala sa pagtapos sa bulan sa Agosto gikan sa 164 cases niadtong Agosto 27.
Matud ni City Epidemiologist Dr Teodulfo Joselito Retuya, Jr, nga kapin sa 90 porsiyento sa mga nataptan sa COVID ang fully recovered na.
Una nang gibutyag ni City Health Officer Rachel Dilla nga dako og tabang nga dili maigo sa grabeng simtomas sa COVID kadtong mga nabakunahan ug nagpa-booster na sanglit taas ang proteksiyon nga ihatag sa bakuna batok sa virus.
Gani man, gibutyag ni Dr Dilla nga anaa pa si COVID sa palibot ug angayan lamang nga magmabinantayon kanunay ang katawhan ug padayong sundon ang pagbuhat sa minimum public health standards sama sa pagsuot sa face mask, physical distancing ug pagpa-booster gayud human makadawat sa primary doses sa COVID 19 vaccines.
Samtang, hugot usab ang panawagan ni Mayor Rolando “Klarex” Uy niadtong mga wala pa magpabakuna sa pagbisita sa mga vaccination centers ug magpabakuna na. (ACM/CIO)
