MUABOT sa 82 ka mga miyembro sa Pantawid Pamilyang Pilipino Program (4Ps) sa Barangay Tuburan ang malampusong nahatagan og orientation kabahin sa ‘social security & insurance’ sa kagamhanang lokal pinaagi sa Community Improvement Division, kauban ang First Community Cooperative (FICCO), City Social Welfare & Development ug DSWD-10 kagahapon Agosto 31.

 

 

Tumong sa maong kalihukan nga ma-edukar ug magiyahan ang nasangpit nga mga miyembro sa 4Ps nga makakat-on og ‘save ug invest’ pinaagi sa kooperatiba sama sa FICCO.

Mitambong sa aktibidad si City Administrator Atty. Roy Hilario Raagas kinsa mirepresentar usab ni Mayor Rolando ‘Klarex’ Uy.

 

 

Sa laing bahin, mapasalamaton usab si Kapitan Roy Yañez nga nabansay iyang mga sakop kalabot na sa ‘social security & insurance’.

Ang susama niini nga kalihukan sa CID pinangulohan ni officer-in-charge Mr. Honorio Diputado usa lang sa mga nagkadaiyang serbisyo ubos sa Cooperative Program sa buhatan. (AGP/CIO/Photos by CID)