World Health Organization
Department of Health 
PERSONAL nga mitambong si Mayor Klarex Uy sa pagpakayab sa nasudnong bandila sa Barangay Camaman-an adlaw’ng Martes, Septiyembre 6, 2022.
Kini ang labing unang flagraising ceremony sa barangay nga gitambongan sa mayor sa bulan sa Septiyembre, diin mainiton siyang giabi-abi sa mga opisyales ug katawhan sa barangay Camaman-an.
Sa iyang mensahe, mipadayag si Barangay Kapitan Pedro Arda sa iyang hugot nga suporta sa administrasyon ni Mayor Klarex.
"Bisan og naa ko sa pikas… iya kong gihatagan og pagtagad... Salamat kaayo Mayor Klarex. Atong tabangan si Mayor Klarex ug iyang mga programa," pamahayag ni Kapitan Arda.
Gani, giawhag pa niini ang mga kaubang opisyales ug tibook katawhan sa Barangay Camaman-an nga duyogan ang pakigtambayayong sa administrasyon ni Mayor Klarex alang sa kauswagan sa barangay ug tibuok dakbayan.
"Motabang ta kay mayor… mao na atong kinahanglan usa ka pangulo sa katawhan," si Kapitan Arda nagkanayon.
Kahinumduman nga niadtong Lunes, Septiyembre 4, 2022, gipahibalo ni Mayor Klarex Uy nga matag martes na kini mobisita sa nagkalain-laing barangay sa dakbayan aron pagtambong sa ilang flagraising ceremony. (AMTB/CIO photos by Aicy Soriano/CMO)
