Sa tinguha nga matubag ang problema sa informal settlements, padayon nga nakigtambayayong ang syudad ilawom sa administrasyon ni Mayor Rolando `Klarex’ Uy tali sa national government agencies ug stakeholders.

 

 

Dili pa lang dugay, nakigtagbo si Kagawad Edgar Cabanlas, chairman sa Committee on Urban & Rural Poor and Housing Development, sa mga kadagkuan sa Department of Environment and Natural Resources (DENR-10), National Housing Authority (NHA-10), Department of Human Settlement and Urban Development (DHSUD), City Housing & Urban Development Department (CHUDD), Social Housing Finance Corporation (SHFC), Department of Public Works and Highways (DPWH-10), ug Department of Social Welfare and Development (DSWD-10).

 

Kini aron hisgutan ang posibilidad pag-establisar og housing/resettlement projects dapit sa baybayon subay sa coastal diversion road ning dakbayan.

 

Gihisgutan sa tigom ang reclamation sa coastal road enclosed areas nga nahimutang sa PPA-Gusa Section (existing Coastal Road); Gusa-Puerto Section, ug Bonbon-Kauswagan Section nga gilantaw’ng maka-akomodar sa panginahanglanon nga resettlement projects sa syudad alang sa mga informal settler families (ISFs).

 

Samtang, laraw usab ni Kag. Cabanlas nga magmugna og grupo alang sa Reclamation Authority aron mapadali ang tahas nga naglambigit sa reclamation of uncategorized areas ug ang mechanics sa pag-reclaim sa maong mga luna. (ALR/CIO/Photos from CHUDD)