GILUSAD adlaw’ng Miyerkules, Septiyembre 7, 2022 sa may USTP Campus ang programang "AgriTindahan ni Juana't Juan" sa dakbayan.
Kini usa ka hiniusang programa sa Ayala Foundation Inc. - Leadership Communities (LeadCom), 4H Club Federation of Cagayan de Oro, Agricultural Productivity Operations Office - Cagayan de Oro, University of Science and Technology of Southern Philippines, ug GSK – CDO.
Ang maong programa tipik sa Young Farmer's Agri Product Hub sa dakbayan diin gipasigarbo ang nagkalain-laing mga produkto sa agrikultura gikan sa mga kabatan-onan ning siyudad.
Subay niini, giawhag sa Agricultural Productivity Operations Office ang katawhan sa dakbayan nga suportahan ang maong programa sa kabataan. (AMTB/CIO Infograph by APO)