World Health Organization
Department of Health 
Sugod karong Septiyembre, gi-anunsyo ni Mayor Rolando ‘Klarex’ Uy nga makadawat og bugas ang 500 ka mga pamilyang kabus sa matag barangay diin siya motambong sa ilang flagraising program.
Nunot niini, giaghat ni Mayor Klarex ang presidenti sa Association of Barangay Captains nga si City Councilor Alam Lim nga sultihan ang mga punong barangay nga ibalhin sa adlaw’ng Martes ang ilang flagraising ceremony aron siya makatambong.
“Atol sa ilang flagraising, maghatag ako og pipila ka kilo nga bugas ngadto sa mga kabus nga pamilya nga nagpuyo sa maong barangay,” matud ni Mayor Klarex atol sa flagraising ceremony sa city hall.
Gani, gisugdan niya kini sa Barangay Camaman-an niadtong Martes, Sept. 6, atol sa ilang flagraising program diin dako ang pasalamat ni Punong Barangay Pedro Arda kang Mayor Klarex.
Dumduman nga ang `food aid program’ usa sa mga tatak Klarex Uy nga serbisyo sugod sa iyang pagpangatungdanan. (ALR/CIO)
