Dako ang kalipay sa katawhan sa Barangay Balubal nga nakapahimulos sa nagkadaiyang serbisyo sa city hall nga gihatod sa ilang tugkaran pinaagi sa ‘Klarex nga Serbisyo sa Baryo’ nga programa ni Mayor Rolando Klarex’ Uy, Huwebes, Sept. 8, 2022.

 

Pipila sa mga buhatan nga nakahatag sa ilang serbisyo mao ang Roads and Traffic Administration (RTA); City Economic Enterprises Department (CEED); East-Westbound Terminal & Public Market (EWTPM); City Housing & Urban Development Department (CHUDD); Business Permit & Licensing Division (BPLD); City Legal Office (CLO), ug Cagayan de Oro City Police Office (Cocpo).

 

Gibutyag ni CEED Head Marfe Dacoco ubay-ubay sa mga molupyo sa Brgy. Balubal ang nagpadayag og interes nga makabaton og puwesto sa merkado aron makapamaligya.

Samtang gikalipay usab sa ubang mga department managers nga daghan sa mga molupyo sa Brgy. Balubal ang ilang naserbisyohan.

 

Ang `Klarex nga Serbisyo sa Baryo’ gimugna ni Mayor Klarex sa tinguha nga ipaduol ang gobyerno sa katawhan ug ang katawhan duol sa gobyerno, ilabina sa lagyo nga mga barangay aron dili na kinahanglan moanhi sa city hall. (ALR/CIO/Photos by Rod Constantino)