MUABOT sa 230 ka molupyo sa barangay Balubal nag-edad singko anyos pataas ang nabakunahan batok COVID-19 ug nakadawat sa tulo ka kilong bugas human mabakunahan atol sa ikaduhang hugna sa ‘Klarex nga Serbisyo sa Baryo’ ni Mayor ‘Klarex’ Uy, Septyimbre 8.

 

Ang COVID-19 vaccination usa sa mga prayoridad sa kasamtangang administrasyon pinaagi sa City Health Office, City Health Insurance Office, uban sa hugot nga suporta sa Department of Health 10 ug ReachHealth Project USAID.

Mokabat usab sa 762 ka Philhealth ID ug Members Data Record sa mga NHTS members ang gitunol sa rehiyonal nga buhatan sa Philhealth ngadto kang Kapitan Pablo Bactong.

 

Samtang adunay 97 ka mga kliyente usab ang naserbisyohan sa CHIO pinaagi sa Philhealth membership profiling ug pag-isyu og Philhealth ID.

 

 

Sa Community Improvement Division, adunay 65 ka mga molupyo ang nakapahimulos sa libreng massage therapy ug 42 usab ka tawo sa libreng alot.

 

Samtang ubay-ubay usab ang misalmot sa educational sessions sama na lang sa Adolescent Sexuality & Reproductive Health nga dunay 129 ka partisipante ug 28 usab ang misalmot sa ‘learning package for parent education’.

 

 

Hugot usab nga suporta ang gibubo sa buhatan sa Office for Community Affairs alang sa kalampusan sa ‘Klarex nga Serbisyo sa Baryo’ pinaagi sa hustong preparasyon ug koordinasyon tali City Hall ug Barangay LGU sa Balubal. (AGP/Photos by Rod Constantino/CIO)